KALOKOHAN NG MAKATA

Halimbawa ng Tagalog na Tula 



NAGLADLAD KA NA, SINTA!
ni: Avon Adarna

Ang pipi kong dibdib, natigib ng luha,
Matapos marinig ang iyong winika,
Tila sinakluban ng langit at lupa,
Ang diwa ko'y kubkob ng pagdaralita.

Nagtagpo nga tayong wala sa panahon,
Inibig mo akong parang panginoon,
Di mo alintana ang aking kahapon,
Gayon din naman ako sa iyo ay gumon!

"Ikaw lamang sinta!" iyo pang tinuran.
Sa aking gunita'y di na mapaparam,
Sa laot ng isip ay nakasalansan
Pagkat ako nama'y gayon din naman hirang!

Ngunit nagbago kang sira ang pangako,
Wala kang pag-awa sa aking pagsamo,
Akala ko naman ika'y nagbibiro,
Ang sinabi mo pala'y malinaw na wasto.

Kung siya mong ibig na ako'y magdusa,
Walang magagawa , wala nga, wala nga,
Naniniwala na at walang magagawa
Ikaw nga ay isang naglalanding bakla!

10 comments:

  1. i like this, this is funny..

    ReplyDelete
  2. haha..i love it!!

    ReplyDelete
  3. seko ang tula na to !!




    yeah.break it down.

    Bien YEDE !

    ReplyDelete
  4. seko ang tula na to !! hhaha



    yeah ! break it down

    ReplyDelete
  5. ang tagalog na tulang ito ay nagpapakita ng isang matibay na dahilan upang maging mahinahon ang lahat.

    ReplyDelete
  6. haha.. naka2tuwa
    itong na basang tula..
    wla ako masabi sa mga gamit mong kataga...
    kaya naman ang tangi kong nasabi..
    "hanep! nang iyong gawa!"

    from:
    ms.k
    :)

    ReplyDelete
  7. Ikaw na gumawa na makata hanep mung gumawa
    kapag ako ang gumawa
    wala akung masabi sa iyung ginawa
    kaya ikaw nalang ang gumawa sa akin ng makata
    para ako naman ay matuwa
    Heheheh . :-)

    ReplyDelete
  8. Ang galing mung gumawa ng makata
    kapag ako ang gumawa
    wala akung masabi sayung hanep na ginawa
    kay ikaw nalang ang gumawa sa akin ng makata
    para ako naman ay matuwa . :-)

    ReplyDelete
  9. Pamumusakal
    By: Francis B. De Castro

    Kapara ngang ito’y noong unang una!
    Kasaysayan anaki’y di man maantala
    Asahang inuulit, minsan’y masahol pa
    Mas buktot and pita’t, mas hayok ang gawa!

    Anupa’t anuman, saan man, sinuman
    Kasaysayang angking, pinaghahalimawan
    Tulad nito’y burak, hanggang kailaliman
    Mabaho’t marumi, pilit mang takipan!

    Inukit sa bato, gawaing pusakal
    Ng mga pinunong, sa trono’y itinanghal
    Sa gulugod nitong pagal na mamamayan
    Tulad ay latigong, may lason bawat latay

    Sa talino’t galing ay walang katulad
    Sa tamis ng dila, ang madla’y nahantad
    Muling nalulugmok sa daang pinanday
    Ng mga tuso’t ganid, na tulo ang laway!

    Ang baryang naipon ng ‘sang batang paslit
    Kung mababawasa’y t’yak ang bunghalit
    Lalo pa kung ito’y, bilyong pisong inumit
    Ng mga kawatang, sa salapi ay galit

    Ang dulong ay huli, lampas ang tambakol!
    Sa lambat na hagis, sa unang paglusong
    Nawa’y sa pangalwa’y, bitbit na pag-ahon
    Mga isdang malaki, mayama’t malusog

    Nawa’y ang hustisya, tunay ngang may piring
    Wala itong kabigin kung parusa’y ihahain
    Ang tunay na may sala’y, managot na sa ating
    Mga Pilipinong dayukdok na sa hilahil!

    Itong pamumusakal , na kay pait, kay saklap
    Masugpo, masawata, maputol ang ugat
    Na’ng bagong kasaysayang, ating isusulat
    May ngiti ng pag-asa’t, ang banaag ay sisikat!

    ReplyDelete

Sumigaw ka...huwag magpigil! Tula nang tula! Comments from anonymous senders would not be entertained. Thank you.

Follow by Email

Followers

Mabuhay! Welcome to "Mga Tagalog na Tula sa Pilipinas | Filipino Poems in the Philippines! Here in this blog, you will find a collection of original tagalog poems. Please, feel free to browse at our archive. Thank you! -avonadarna

Blog Archive